ਚੰਡੀਗੜ੍ਹ (ਸਾਰਾ ਯਹਾ) : ਪਾਕਿਸਤਾਨ ਦੇ ਨਵੇਂ ਬਣੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੇ ਸਹੁੰ ਚੁੱਕ ਸਮਾਗਮ ‘ਚ ਸ਼ਿਰਕਤ ਕਰਨ ਤੋਂ ਬਾਅਦ ਨਵਜੋਤ ਸਿੱਧੂ ਅੱਜ ਵਾਪਸ ਭਾਰਤ ਪਰਤ ਆਏ ਹਨ। ਸਿੱਧੂ ਨੇ ਵਾਪਸ ਪਰਤਦਿਆਂ ਪਾਕਿਸਤਾਨ ਆਰਮੀ ਚੀਫ ਜਨਰਲ ਕਮਰ ਜਾਵੇਦ ਬਾਜਵਾ ਨਾਲ ਗਲੇ ਮਿਲਣ ‘ਤੇ ਸਫਾਈ ਦਿੰਦਿਆਂ ਕਿਹਾ ਕਿ ਮੈਂ ਆਪਣੇ ਦੇਸ਼ ਦਾ ਕੋਈ ਨਿਯਮ ਨਹੀਂ ਤੋੜਿਆ। ਉਨ੍ਹਾਂ ਕਿਹਾ ਕਿ ਮੈਂ ਬਕਾਇਦਾ ਇਜਾਜ਼ਤ ਲੈ ਕੇ ਪਾਕਿਸਤਾਨ ਗਿਆ ਸੀ।
ਸਿੱਧੂ ਨੇ ਕਿਹਾ ਕਿ ਬਾਜਵਾ ਨੇ ਗੁਰੂ ਨਾਨਕ ਦੇਵ ਦੇ 550ਵੇਂ ਗੁਰਪੂਰਬ ਤੇ ਕਰਤਾਰਪੁਰ ਰਾਹ ਖੋਲ੍ਹਣ ਦੀ ਗੱਲ ਕੀਤੀ ਤੇ ਕਿਹਾ ਕਿ ਅਸੀਂ ਇਕੋ ਸੱਭਿਆਚਾਰ ਨਾਲ ਸਬੰਧਤ ਹਾਂ ਤਾਂ ਅਜਿਹੇ ‘ਚ ਮੈਂ ਕੀ ਕਰ ਸਕਦਾ ਸੀ। ਇਸਲਾਮਾਬਾਦ ‘ਚ ਸਹੁੰ ਚੁੱਕ ਸਮਾਗਮ ਦੌਰਾਨ ਪਾਕਿਸਤਾਨ ਦੇ ਅਧਿਕਾਰ ਖੇਤਰ ਵਾਲੇ ਕਸ਼ਮੀਰ ਦੇ ਰਾਸ਼ਟਰਪਤੀ ਮਸੂਦ ਖਾਨ ਨਾਲ ਬੈਠਣ ‘ਤੇ ਸਫਾਈ ਦਿੰਦਿਆਂ ਕਿਹਾ ਕਿ ਮੈਂ ਉੱਥੇ ਮਹਿਮਾਨ ਦੇ ਤੌਰ ‘ਤੇ ਗਿਆ ਸੀ ਅਜਿਹੇ ‘ਚ ਜਿੱਥੇ ਤਹਾਨੂੰ ਕਿਹਾ ਜਾਂਦਾ ਹੈ ਤੁਸੀਂ ਉੱਥੇ ਬੈਠਦੇ ਹੋ।
ANI
✔@ANI
If someone (Pak Army Chief General Bajwa) comes to me&says that we belong to the same culture & we’ll open Kartarpur border on Guru Nanak Dev’s 550th Prakash Parv, what else I could do?: Navjot Singh Sidhu on hugging Bajwa at Pak PM Imran Khan’s oath-taking ceremony in Islamabad
ਦੂਜੇ ਪਾਸੇ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਨਵਜੋਤ ਸਿੱਧੂ ਪਾਕਿਸਤਾਨ ਦੇ ਸੈਨਾ ਮੁਖੀ ਨੂੰ ਗਲੇ ਲਾ ਕੇ ਠੀਕ ਨਹੀਂ ਕੀਤਾ। ਕੈਪਟਨ ਨੇ ਰੋਸ ਜਤਾਉਂਦਿਆਂ ਕਿਹਾ ਕਿ ਰੋਜ਼ਾਨਾ ਸਾਡੇ ਜਵਾਨ ਸਰਹੱਦ ‘ਤੇ ਮਾਰੇ ਜਾ ਰਹੇ ਹਨ ਅਜਿਹੇ ‘ਚ ਸਿੱਧੂ ਦਾ ਪਾਕਿਸਤਾਨੀ ਆਰਮੀ ਮੁਖੀ ਨੂੰ ਗਲੇ ਲਾਉਣਾ ਬਿਲਕੁਲ ਗਲਤ ਸੀ।
ANI
✔@ANI
Everyday our jawans are getting martyred. To hug their Chief General Bajwa…I am against this. The fact is that the man should understand that our soldiers are being killed everyday: Punjab CM Capt Amarinder Singh on #NavjotSinghSidhu
