ਬੁੱਢਲਾਡਾ, (ਸਾਰਾ ਯਹਾਂ/ਅਮਨ ਮੇਹਤਾ) : ਸੰਤ ਨਿਰੰਕਾਰੀ ਮਿਸ਼ਨ ਬਰਾਂਚ ਬੁੱਢਲਾਡਾ ਦੇ ਸੰਯੋਜਕ ਸ੍ਰੀ ਅਸ਼ੋਕ ਢੀਂਗਰਾ ਨੇ ਦੱਸਿਆ ਕਿ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਅਤੇ ਨਿਰੰਕਾਰੀ ਰਾਜਪਿਤਾ ਰਮਿਤ ਜੀ ਦੇ ਪਵਿੱਤਰ ਆਸ਼ੀਰਵਾਦ ਨਾਲ ਸੰਤ ਨਿਰੰਕਾਰੀ ਚੈਰੀਟੇਬਲ ਫਾਊਂਡੇਸ਼ਨ ਵੱਲੋਂ ‘ਵਨਨੈਸ ਵਨ’ ਪ੍ਰੋਜੈਕਟ ਦੇ ਪੰਜਵੇਂ ਪੜਾਅ ਦਾ ਆਯੋਜਨ ਦੇਸ਼ ਭਰ ਦੇ 600 ਤੋਂ ਵੱਧ ਸਥਾਨਾਂ ’ਤੇ ਪੂਰਨ ਸ਼ਰਧਾ ਅਤੇ ਉਤਸ਼ਾਹ ਨਾਲ ਸੰਪੰਨ ਹੋਇਆ। ਇਸੇ ਪ੍ਰੋਜੇਕਟ ਤਹਿਤ ਅੱਜ ਬਲਾਕ ਵਿਕਾਸ ਅਤੇ ਪੰਚਾਇਤ ਦਫ਼ਤਰ ਬੁੱਢਲਾਡਾ ਵਿਖੇ ਲਗਭਗ 450 ਪੌਦੇ ਲਗਾਏ ਗਏ। ਜਿਸ ਵਿਚ ਸੰਤ ਨਿਰੰਕਾਰੀ ਬ੍ਰਾਂਚ ਬੁੱਢਲਾਡਾ ਦੇ ਸੇਵਾਦਲ ਤੋਂ ਇਲਾਵਾ ਬਾਹਰਲੇ ਪਿੰਡਾ ਦੇ ਸੇਵਾਦਲ ਨੇ ਪੂਰੇ ਉਤਸ਼ਾਹ ਨਾਲ ਹਿੱਸਾ ਲਿਆ।
ਸੰਤ ਨਿਰੰਕਾਰੀ ਮੰਡਲ ਦੇ ਸਕੱਤਰ, ਆਦਰਣੀਕ ਸ੍ਰੀ ਜੋਗਿੰਦਰ ਸੁਖੀਜਾ ਜੀ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ‘ਵਨਨੈਸ ਵਨ’ ਅਭਿਆਨ ਸਿਰਫ਼ ਹਰਿਆਲੀ ਫੈਲਾਉਣ ਦੀ ਪਹਿਲ ਨਹੀਂ, ਸਗੋਂ ਇਹ ਪ੍ਰਕਿਰਤੀ ਨਾਲ ਜੁੜਾਵ, ਮਨੁੱਖੀ ਜ਼ਿੰਮੇਵਾਰੀ ਅਤੇ ਸਹਿ-ਅਸਤਿਤਵ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨ ਦਾ ਇੱਕ ਸਮਰਪਿਤ ਯਤਨ ਹੈ।
ਸਾਲ 2021 ਵਿੱਚ ਸ਼ੁਰੂ ਹੋਇਆ ਇਹ ਅਭਿਆਨ ਹੁਣ ਅਜਿਹੇ ਹਰੇ-ਭਰੇ ਰੁੱਖਾਂ ਵਿੱਚ ਬਦਲ ਚੁੱਕਾ ਹੈ, ਜੋ ਛੋਟੇ ਜੰਗਲਾਂ ਦਾ ਰੂਪ ਧਾਰਨ ਕਰ ਚੁੱਕੇ ਹਨ।ਜਿਸ ਵਿਚ ਬਲਾਕ ਦਫਤਰ ਬੁੱਢਲਾਡਾ ਵਿਖੇ ਸਾਲ 2021 ਵਿੱਚ ਲੱਗੇ ਦਰਖਤ ਵੀ ਅੱਜ ਜੰਗਲ ਦਾ ਰੂਪ ਧਾਰਨ ਕਰ ਚੁੱਕੇ ਹਨ। ਇਨ੍ਹਾਂ ਜੰਗਲਾਂ ਵਿੱਚ ਪਰਵਾਸੀ ਪੰਛੀਆਂ ਦੀ ਵਾਪਸੀ ਅਤੇ ਜੈਵ ਵਿਭਿੰਨਤਾ ਦਾ ਪੁਨਰੁਤਥਾਨ ਇਹ ਸਾਬਤ ਕਰਦਾ ਹੈ ਕਿ ਇਹ ਯਤਨ ਸਿਰਫ਼ ਵਾਤਾਵਰਣ ਦੀ ਸੁਰੱਖਿਆ ਨਹੀਂ, ਸਗੋਂ ਪ੍ਰਕਿਰਤੀ ਦੇ ਪੁਨਰਜਨਮ ਦਾ ਮਾਧਿਅਮ ਵੀ ਬਣ ਚੁੱਕਾ ਹੈ।
‘ਵਨਨੈਸ ਵਨ’ ਪ੍ਰੋਜੈਕਟ ਸਿਰਫ਼ ਰੁੱਖ ਲਗਾਉਣ ਤੱਕ ਸੀਮਤ ਨਹੀਂ, ਸਗੋਂ ਇਹ ਪ੍ਰਕਿਰਤੀ, ਸੇਵਾ ਅਤੇ ਸਹਿ-ਅਸਤਿਤਵ ਦਾ ਇੱਕ ਜੀਵੰਤ ਅੰਦੋਲਨ ਹੈ। ਇਹ ਅਭਿਆਨ ਭਵਿੱਖ ਦੀਆਂ ਪੀੜ੍ਹੀਆਂ ਨੂੰ ਹਰਿਆਲੀ ਨਾਲ ਸੰਪੰਨ ਵਾਤਾਵਰਣ ਦੇਣ ਲਈ ਨਿਰੰਤਰ ਯਤਨਸ਼ੀਲ ਹੈ। ਲਾਏ ਗਏ ਪੌਦਿਆਂ ਦੀ ਦੇਖਭਾਲ ਅਤੇ ਸੰਭਾਲ ਦਾ ਇਹ ਸੰਕਲਪ ਉਨ੍ਹਾਂ ਨੂੰ ਘਣੇ, ਸਵੈ-ਨਿਰਭਰ ਜੰਗਲਾਂ ਵਿੱਚ ਬਦਲਣ ਦੀ ਦਿਸ਼ਾ ਵਿੱਚ ਇੱਕ ਠੋਸ ਕਦਮ ਹੈ, ਜਿਸ ਨਾਲ ਆਉਣ ਵਾਲੀਆਂ ਪੀੜ੍ਹੀਆਂ ਵੀ ਇਸ ਜੀਵੰਤ ਵਿਰਾਸਤ ਤੋਂ ਲਾਭ ਉਠਾ ਸਕਣਗੀਆਂ।
ਸਤਿਗੁਰੂ ਦੀ ਛਤਰ-ਛਾਇਆ ਵਿੱਚ ‘ਵਨਨੈਸ ਵਨ’ ਦਾ ਇਹ ਅਭਿਆਨ ਸੇਵਾ, ਸਮਰਪਣ ਅਤੇ ਪ੍ਰਕਿਰਤੀ ਪ੍ਰੇਮ ਦੀ ਉਹ ਸਾਧਨਾ ਹੈ, ਜੋ ਵਾਤਾਵਰਣ ਸੰਭਾਲ ਨੂੰ ਇੱਕ ਅਧਿਆਤਮਿਕ ਅਨੁਭਵ ਵਿੱਚ ਬਦਲ ਦਿੰਦੀ ਹੈ। ਨਿਸ਼ਚਤ ਤੌਰ ’ਤੇ ਇਹ ਅਭਿਆਨ ਇੱਕ ਸਪੱਸ਼ਟ ਸੰਦੇਸ਼ ਦਿੰਦਾ ਹੈ ਕਿ ਰੁੱਖ ਲਗਾਉਣਾ ਸਿਰਫ਼ ਇੱਕ ਕੰਮ ਨਹੀਂ, ਸਗੋਂ ਇੱਕ ਸੰਸਕਾਰ ਹੈ। ਸੇਵਾ ਕਰਨਾ ਸਿਰਫ਼ ਕਰਤੱਵ ਨਹੀਂ, ਸਗੋਂ ਇੱਕ ਸਾਧਨਾ ਹੈ, ਜਿਸ ਨੂੰ ਨਿਰੰਕਾਰੀ ਮਿਸ਼ਨ ਬਾਖੂਬੀ ਨਿਭਾ ਰਿਹਾ ਹੈ।
