ਨਵੀਂ ਦਿੱਲੀ: ਅੱਜ 15 ਜਨਵਰੀ ਹੈ ਅਤੇ ਹੁਣ ਤੋਂ ਫਾਸਟੈਗ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਜੇ ਤੁਸੀਂ ਟੋਲ ਪਲਾਜ਼ਾ ਚੋਂ ਲੰਘਦੇ ਹੋ ਅਤੇ ਤੁਹਾਡੇ ਕੋਲ ਫਾਸਟੈਗ ਨਹੀਂ ਹੈ ਤਾਂ ਤੁਹਾਨੂੰ ਕੈਸ਼ਲੇਨ ਚੋਂ ਲੰਘਣਾ ਪਏਗਾ। ਜੇ ਤੁਸੀਂ ਫਾਸਟੈਗ ਲੇਨ ‘ਚ ਦਾਖਲ ਹੋ ਜਾਂਦੇ ਹੋ, ਤਾਂ ਤੁਹਾਨੂੰ ਦੁਗਣੇ ਟੋਲ ਦਾ ਭੁਗਤਾਨ ਕਰਨਾ ਪਏਗਾ। ਜਲਦੀ ਹੀ ਯੋਜਨਾ ਕੈਸ਼ ਲੇਨ ਨੂੰ ਖ਼ਤਮ ਕਰਨ ਦੀ ਹੈ, ਇਸ ਲਈ ਜਲਦੀ ਤੋਂ ਜਲਦੀ ਫਾਸਟੈਗ ਲਓ ਤਾਂ ਜੋ ਤੁਸੀਂ ਮੁਸੀਬਤ ਤੋਂ ਬਚ ਸਕੋ।
ਦੱਸ ਦਈਏ ਕਿ ਫਾਸਟੈਗ 15 ਦਸੰਬਰ 2019 ਤੋਂ ਸਾਰੇ ਵਾਹਨਾਂ, ਨਿਜੀ ਅਤੇ ਵਪਾਰਕ ਲਈ ਲਾਜ਼ਮੀ ਹੋ ਗਿਆ ਸੀ, ਪਰ ਲੋਕਾਂ ਨੂੰ ਕਿਸੇ ਵੀ ਕਿਸਮ ਦੀ ਮੁਸ਼ਕਲ ਨਾ ਹੋਵੇ ਇਸ ਲਈ 15 ਜਨਵਰੀ ਤੱਕ ਸਮਾਂ ਵਧਾਇਆਆ ਗਿਆ ਸੀ। ਫਾਸਟੈਗ ਦੀ 25% ਲੇਨ ਨੂੰ ਹਾਈਬ੍ਰਿਡ ਰੱਖੀਆ ਗਿਆ ਸੀ।
ਦੱਸ ਦੇਈਏ ਕਿ ਫਾਸਟੈਗ ਪ੍ਰਕਿਰਿਆ ਦੇਸ਼ ਦੇ ਸਾਰੇ ਟੋਲ ਪਲਾਜ਼ਿਆਂ ਤੋਂ ਸ਼ੁਰੂ ਹੋ ਗਈ ਹੈ। ਹੁਣ ਇਸ ਨਾਲ ਟੋਲ ਇਕੱਠੀ ਕੀਤੀ ਜਾਏਗੀ। ਇਸ ਤਕਨੀਕ ਨੂੰ ਰੇਡੀਓ ਫ੍ਰੀਕਵੇਂਨਸੀ ਆਈਡੇਂਟੀਟੀਫੀਕੇਸ਼ਨ ਵਜੋਂ ਜਾਣਿਆ ਜਾਂਦਾ ਹੈ। ਇਸ ਤਕਨੀਕ ਜ਼ਰੀਏ, ਡਰਾਈਵਰ ਬਗੈਰ ਰੁਕਾਵਟ ਭੁਗਤਾਨ ਕਰ ਸਕਣਗੇ। ਇਸ ਕਰਕੇ ਟੋਲ ਪਲਾਜ਼ਾ ‘ਤੇ ਹੁਣ ਲਾਈਨਾਂ ਨਹੀਂ ਲੱਗਣਗੀਆਂ।
ਜੇ ਤੁਹਾਡੇ ਕੋਲ ਫਾਸਟੈਗ ਨਹੀਂ ਹੈ ਅਤੇ ਤੁਸੀਂ ਇਸ ਲੇਨ ਤੋਂ ਬਾਹਰ ਜਾਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਡਬਲ ਟੈਕਸ ਦੇਣਾ ਪਵੇਗਾ। ਅਧਿਕਾਰੀਆਂ ਨੇ ਕਿਹਾ ਕਿ ਫਾਸਟੈਗ ਕਰਕੇ ਨਾ ਸਿਰਫ ਸਮੇਂ ਦੀ ਬਚਤ ਹੋਵੇਗੀ, ਬਲਕਿ ਕਾਗਜ਼ ਦੀ ਵਰਤੋਂ ਵੀ ਘੱਟ ਹੋਵੇਗੀ। 22 ਬੈਂਕ ਅਤੇ ਈਕਾੱਮਰਸ ਵੈਬਸਾਈਟਾਂ ਫਾਸਟੈਗਸ ਵੇਚ ਰਹੀਆਂ ਹਨ।
